مو دوله العراق حسام الرسام

مو دولة العراق وهســـا اكَــلك ليش
كــلتلك بلد انــت وماكَــلت دوله
لك نثايا الدول كلها وأعرب الاسماء
تظل بس انت زلمــة بـعالمك كله
كَبل بس دولة عنك مارضـينا نكَول
وهسا نكَــول دولة ودولة مــحتله
سّلتك والـــعنب وزعته للـــجيران
وعيــالك بقت مـــتوسدة الـــقبله
وبسّلتــك ردت من فضلــك يرّدون
زرعوا بيــها عــبوة ورّدوا السله
اعلى من الشمس ياوطن سورك جان
واذا توصل حدودك نصها ماتعلى
صرت حايط مصّيص ياعراق شبيك
توكف ع الحدود وتـــشبه الــنمله
رجاءاً ع الوطن لاّحــد يســـولف
بـــعد ماافتهم شـــي بالـــسياسه
الوطن فوك الرمح متــعلكَ سنيـن
بس مـانــزل مــرة وجاره داسه
نزل راسه من ايديكم جان تركتوه
كَبل فــوك الرمح مــرفوع راسه
كل من ضم رُكَبته وراح وسنيـن
ظلــت تــصب ركَاب هاي ناسه
اجو بس روس إلمن شلنا بالروس
يريــــد ركَاب حتى يــرفع راسه
اريدن بس أساس وكلنا ايد وحدة
نبنيه ماريدن صرح اعوج اساسه
وريدن ع الــرئاسه تــوسلوا بيه
مااريد اللــي تـوسلوا بالـــرئاسه